GARA SCIALPINISTICA Passo S. Pellegrino del 20/01/2010

Ero massa endeciso fim all'ultimo... ma la gara de Moena l'eva za' fatta en par de ani fa: l'e' 700 metri de sol salita, con zena al rifugio e discesa en funivia: beh.. saria en spettacolo per la riabilitaziom, l'unico problema l'è semmai passar for el mur (se l'è giazà) a inizio tracciato co le pel da gara.... no resisto: gh'è da nar! E così la matina me iscrivo e me trovo ale 5 e 1/4 col Max & C. al Zuffal Park. Entant che nem en su, el Caio el me diss che la gara en realtà no l'è da Moena ma dal Passo S.Pellegrino... e qi, diaolopo' taca le preoccupaziom: sarala erta? e... ghe sarà la funivia per tornar de volta? Ormai sem en volta, girarse no se pol, mal che la vaga, i spetero' al pass senza far la gara! Arrivai al parcheggio desmontem e... che fret! L'è 14 sotto zero! Dentro al rifugio ne fiondem per domandar info (sem quasi 400 iscritti!) e capir sa far: diaolopo'... l'arrivo l'e' enzima all'Om Piccol, quasi 2500m, ma po' da li' besogn desmontar al rifugio coi sci! Per n'attimo som tentà de passarme la serata al parcheggio a spetar che torna i garisti, ma po'... no... dai... chi è che va a contarghel al me chirurgo se fago demò nà sciadela? Gh'è da nar! Pettorale 358 e via a cambiarse! Alle 7 e 40 sém pronti, ma col fret che l'è entant che tuti se scalda, mi resto en rifugio fin a 5 minuti prima dela partenza: el fret el me fa vegnir i sgrisoloni, e la contraziom dei muscoi la me fa mal ala spalla... sperem bem dopo! Me trago en te l'arena de gara e propri entant che l'altoparlante el diss che manca 3 minuti... i alza el nastro de partenza! Via, via, via!!! Mi parto con calma, ma.. no massa: anca se passo la start-line tra i ultimi 10, no som qi zerto per far na passeggiata al ciar de luna (vist che la me frontale... l'è pù en lumin da mort). Ciapo en bom pass e taco a passar la zent de coa che la par averghe pu' na velocita' da processiom pitost che da gara. A batter i bachetti fiss enterra me se ghe vol almen 200 metri de dislivel prima de riusir a scaldarme e farme passar i diaolini alle man. La pista la g'ha pendenza ottimale per la gara, e tra na balza e l'altra ne aproffitto sempre per passar qualcheduni. Arriva' a meta' la spiana en toc e... gh'è el Teo che me speta! Che mito, el vol far la salita con mi (dopo 'na sprintada da foc en partenza)! E allor con elo che me fa da levro, ritachem a passar zent e ne trém sotto l'ultim dossom che besogn aggirar da drio... ma quando par quasi de esser enzima, eh, eh... compare n'altra bella pontera... e che longa! Fago en scatto felin per passar davanti a uno che seta a taiarme la strada sia da destra che da sinistra e... ghe sem! Ultima sprintada e arrivem al traguardo! Berg Heil! Che bem! Zo' le pel e adess gh'è da enviarse zo' con calma vers el rifugio.... g'ho da far le mie a veder la pista al buio, ma con calma en dese minuti (che figada sciar!!!!!) som al rifugio a far la fila per la zena. N boma piatt de pasta all'arrabbiata, n strudel, na birra, e i agosnisti del taol (eheh.. stasera sem propri en bel gruppom da Roveredo) i taca a far giri de bombardim: roba da ripellar e far n'altra risalita per smaltirli! Salta' for le classifiche, arrivo 216 su 340... dai... a do' terzi de classifica, dopo tanta convelescenza no podo lamentarme! 43 minuti e rotti per 600 metri de dislivel, no i e' mal: zerto che l Max, a averghe mess sol 36 minuti, e l Caio 39... no i pol zerto dir de esser fuori forma! Per le ondese, no spetem neanca i premi a sorteggio e ne enviem for dal rifugio: per riciaparne alla pista che ne porta al pass dovem skettinar 10 minuti comodi en salita, quindi, se la mola per i ultimi 200metri su na pista giust tirada a biliardo dai gatti. Bel, bel, bel! E quindi, via de bala vers casa de Trembelem a preparar le valiss, che doman se torna a Innsbruck!




El squadrom alla vestiziom da gara! ...e grande ritorno del Kepo!!! Vai 358!!!


Berg Heil! Zo' le pel... e finalmente se torna a sciar!!!


..e dopo na bella sciada, en bel prost e la zena, le va zo' che le se copa!


...po'... gh'e' da copar propri la serata: e allor.. avanti de bombardini! Eh eh... agonisti si'... ma "alla trentina"!



Ste pagine l'e' stae cargade volte da visitatori dal 3 de agost 2005